ഇത് അര്‍ഷദ്. . .കിനാതുമ്പി. . .എപ്പോഴും സ്വപ്നലോകത്താണ്. . .കുഞ്ഞനുറുമ്പ് അട തിന്ന കഥ പറഞ്ഞുകൊടുക്കുമ്പോള്‍, കുഞ്ഞുവിരലുയര്‍ത്തി ഉറുമ്പിന്‍െറ പള്ള കാട്ടിത്തരാന്‍ പറഞ്ഞ വീരനാണ്. . .ക്ലാസുമുഴുവന്‍ പാഞ്ഞുനടക്കുന്നതിനിടക്ക് ചൂണ്ടുവിരല്‍ ചുണ്ടില്‍ തൊട്ട് ഒരു നില്‍പ്പാണവന്‍. . .ഉറപ്പാണ്,അടുത്തനിമിഷം അവിടുന്നൊരു കുണ്ടാമണ്ടി ചോദ്യം വരും. . .പല ഗമണ്ടന്‍ ചോദ്യങ്ങള്‍ക്കും ഗൂഗിള്‍ തന്നെ ശരണം. . .ഞാന്‍ കഷ്ട്ടപ്പെട്ട് ഉരുട്ടിയെഴുതിയതിലേക്ക് ചങ്ങാതിയൊന്നുനോക്കുകപോലുമില്ല. . .ഇവിടെവന്നു വായിക്കെടായെന്ന് ഒച്ചയിടുമ്പോള്‍ കൂസലില്ലാതെയൊരുവരവാണ്. . .എന്നിട്ട് മണിമണിയായങ്ങ് വായിക്കും. . .എന്‍െറ ദേഷ്യം തണുത്തുതണുത്തങ്ങു പോകും. . .അവന്‍ പുഴുപ്പല്ലുംകാട്ടിച്ചിരിച്ച് സ്വപ്നലോകത്തേക്കും. . .
No comments:
Post a Comment