Friday, October 15, 2010
ഇത്തിരിത്തുമ്പി,സിദ്ധാര്ത്ഥ് രാജ്,
ഇത് സിദ്ധാര്ത്ഥ് രാജ്. . .ചങ്ങാതിയുടെ സ്വന്തം ഭാഷയില് സിദ്ധാത്ത് രാച്ച്. . .കാണുന്നതുപോലെയല്ല,ആള് വല്യ വര്ത്താനക്കാരനാണ്. . .ഒരീസം ഞാന് ക്ളാസിലൊരു ചോദ്യം ചോദിച്ചു. . . “എന്റെ ഒരു കയ്യില് 2 മിഠായിയും മറ്റേ കയ്യില് 1 മിഠായിയും ഉണ്ട്..ആകെ എത്ര മിഠായി. . .” “അയ്ന് ചീച്ചറെ കയ്യില് മുട്ടായി ഇല്ലല്ലോ. . .” സിദ്ധാര്ത്ഥിന്റെ സംശയം . . . “അങ്ങനെ വിചാരിച്ചാല് മതിയെടാ. . .” “അയ്ന് ശരിക്കിനും ഇല്ലല്ലോ. . .” “വിചാരിച്ചാല് മതീന്നു പറഞ്ഞീലേ. . .” “ന്നാല് ചീച്ചറെ ഞാന് ന്റെ ബാഗും കൊണ്ട് വീട്ടില്പോകാം. . .ഇങ്ങള് ഞാന് ഇവിടെയുണ്ടെന്ന് വിചാരിച്ചാളീ. . .” ഞാന് അന്തംവിട്ടു നിന്നുപോയി. . .എങ്ങനെയുണ്ട് പുള്ളി . . . സമ്മാനം വാങ്ങണംന്ന് വല്യ പൂതിയാണവന് . . .ഞങ്ങള് വട്ടമെറിഞ്ഞുകളി തുടങ്ങും മുമ്പെ അവനെന്റെയടുത്തു വരും. . .ജയിച്ചാല് ചോക്ക സമ്മാനം വേണംട്ടോന്ന് പറയും. . .കളിയിലവന് തോറ്റാല് സമ്മാനം അടുത്ത കളീല് ജയിക്കണോല്ക്ക് മതീന്നും പറയും. . . ഒരിക്കല് വീണുമുറിവ് പറ്റീട്ടവനെ ഞാന് ആശുപത്രീല് കൊണ്ടുപോയി. . . ഉഗ്രന് സൂചിവെച്ചിട്ടും മൂപ്പര്ക്കൊരു കുലുക്കവുമില്ല. . . ഡോക്ടര് മൂക്കത്തു വിരല് വെച്ചു പോയി. . . കാര്യമെന്തായാലും നല്ല കൂര്മ്മബുദ്ധിയാണവന്. . .ഒപ്പം ഓമനത്തമുള്ളൊരു മുഖവുമുണ്ട് . . .ചിരിക്കുന്നതു കണ്ടാലേയ് വാരിയെടുത്തുമ്മവെക്കാന് തോന്നും. . .ക്ലാസിലെ വീരനാണെന്നു ചുരക്കം. . .
Subscribe to:
Post Comments (Atom)
No comments:
Post a Comment